Subscribe
Anak-anak daro sekalian, apokah masakan yang susah sikit yo dari goreng tolor mato kobau? 2 saat dari skang.
1...
2...
Masak lomak cili api!!
Pandainyeeee....yellow river kato orang Tepen.
Cano nak masak ee?
Alahai..malu la jadi anak daro kalo masak lomak cili api pun tak ghoti. Abihkan boreh yo.
Bahan-bahan e mudah bonar. Ado kek mano-mano dari Malaysia sampai ko Sumedang. Kek jatos melambak.
Mulo-mulo boli la ayam ko daging ko ikan tenggiri ko ikan parang ko. Ikan lele pun bulih. Kotam maha bonar pulak. Bapo byk, ikut ukur lilit porut memasing yo. Momorut yo kojo e.
Lopeh tu boli sorai kalo takdo tanam kek dopan umah. Dalam 2-3 batang.
Then, cari kunyit hidup dan kunyit mati. Kunyit idup dalam besar ibu jari. Kunyit mati dalam 1-2 sudu makan.
Next, poie potik cili api 7-10 biji. Banyak bonar ko? Tak namo masak lomak cili api la kalau raso e manih. Apo la.
Perah santan dalam 500ml. Pakai kotak pun ok yo.
Air secukup rasa kuah yang ekau nak.
Guane nak masak tu?
Ayam potong 6 yo. Godang skit. Basuh.
Jangan pakai sabun!! Ya Allah anak daro sorang nih. Se bagi kang. Ish..ish..ish...Umur dah 22. Haih.
Takpo2. jgn nangih. Se gurau yo. Nak kawen ni kono la tahan skit e. he..he..he..
Ha,lopeh tu cili api, kunyit hidup dan mati dan sedikit air di blend sampai lumat. Kalo takdo pakai losung bato yo. Takdo gak? Gigit suleh2.
Idupkan api dapur. Pakai kuali atau periuk yang sesuai.
Masukkan bahan2 yang diblend tadi. Biar sampai menggelogak.
Lopeh tu masukkan ayam dan sorai,masak sampai kulit dan daging luar ayam jadi kuning.
Lupo lak. Kalo ado kontang nak masuk bulih yo masuk skali ngan ayam. Biar copek lombut e.
Last skali masukkan santan.
Masak sampai ayam masak seponuh e. Jangan montah lak. Malu yo.
Dah masak. Hidangkan panas-panas ateh mejo. Jangan teruih makan. Bagi sojuk dulu. Molocur lak lidah.
Ha..siap dah. Sonang yo kan? Buek malo kompeni yo kalo tak luluih masak lomak cili api.
Dah terer?? Ha..bulih kawen.
Ado soklan??
Apo? tak dongar. Kuek skit cakap. Macam dalam kolambu yo ekau nih.
Masak asam podeh?? Ala..Next time se ajar. Kalo ado rezeki yo.
Ok la.Sekian dari dapur Along Momo. Da...Assalamualaikum!!!
p/s : masaklah dongan ponuh kasih sayang dan cinto. Sure masakan jadi enak 5 kali gando.
18 comments:
hahaha..
kalah chef wan..
nk gulai lomak daging salai ngan pucuk paku :)
Muniri a.k.a cikgu
Alamak..tim chef IMAN la. Sorry cikgu. Daging salai se tak jumpo la kek sini. Maleh lak nak sali sendri. Tapi kalo cikgu masak jgn lupo sms2 se yo.he..
Salam bos,
sapo lah tanyo tu?
Eden paling goma masak lomak cili api..gasak tolor masak lomak cili api, ayam masak lomak, ikan masak lomak..sumo lah..sonang lobur yo..abes cito..hehe..
p/s: ekau jangan masak yo, thesis siapkan..jgn ekau goreng abes doktor sudah;P
okok...tim chef iman..
sy nk salai daging pun xgheti..
gheti makan sj:)..
masak??sy dh ingt2 nk retired la:)
huish kegemoran kak aimi byk lemak..
xbek utk kesihatan...hiihi
Wsalam aimi...
Ha..elok la tu..mmg bulih kawen ngan orang kelantan nih. Eh..silap2..orng n9...kihkihkih...
peace..(^_^)V
p/s : se dah loburkan sumo tesis dalam kuali tadi. biar masak sumo. Tah dr nanti leh tolan ko tak.
Muniri a.k.a Cikgu
Ala...mcm pisang salai lebih kurang.Cubo tanyo kek sake kot dio ghoti.
Aisyeh. Kalo retired bilo nak makan nasi minyak e? Ponek tunggu cikgu solosai berguru. Nanti ajar se yo..(^_^)
Oh ye aimi..jangan bubuh tahi cicik yo...
momasak la pulak..
Rashid
sosokali bang.jom poie makan kek stadium balik nanti.hehe
Sedap2..
Nak2...
Nak2....
Nak.....
Along momo,nak2...
Ahmad Zulfahmi
Nak ko? ha...kawen copek2...hahaha
peace(^_^)V
Mohsein, pandai lak ekau malatah segalo;P
cubo tolan koghoteh thesis tu, insyaAllah takdo melatah-malatah lagi lopeh ni;P
p/s: tahi cicak tu dalam tomyam yo, dalam lomak jangan..peberet eden tu;)
nak tumpang gelak jap..
haha....
Along momo 2x..(akhirnya mngaku jgk ;p)
tibe je eh..lapo ek?yela..org lama x msk..he..
susah nk wat loghat negori 2..ish3
aimi a.k.a senget
Ish,sekali sekalo uo se melatah ni. dokek2 pekso la katokan.maklum la yo.
koteh tesis tu bukan se nak tolan. nak bagi dr tolan sok.
sok masak lomak sok, jago2 kut ado cicak2 kek sokoliling yo.
jangan mareee...peace no war(^_^)V
Nurul88 a.k.a Ateh Emang
Ni apo golak2 ni. Poie main jauh2 nak golak2. masuk air liur dlm masak lomak ni, berubah raso e lak nanti.
Sajo meraikan suasano. Glamer skit ado namo samaran nih. hahaha.
Orang penang pakai logaht penang na. Buruk bobonar dongar e kalo cubo loghat N9.
peace (^_^)
p/s : Bunga telur 2 jangan lupe tau...
nanti bole wat jualan IMAN lagi..
ketua chef baru..along momo plak..
hari tu smpat potong2 sayur je kan..huhu~
p/s:smngtnye mengajar..sdap ke tak tuu??
p/s2:bak kate kak aimi..thesis2..
Duha a.k.a cik dudu
isk, takpe2...IMAN ramai chef2 handalan tahap aura laga hitam. Cukuplah penah masak sekali dolu2...
Sodap tak sodap, ekau cubo la buek. Jgn lupo antar semangkuk kek alpina yo.
Tesis...tesis...tesis...tesis...tesis...busan...
Post a Comment